يـاسـيدي اللي بعد فـرقاه ننشد حايم الطير

 

ــــــــــــــــــــــــــــــــــــــــــــــــ

ياسـيدي اللي بعد فرقاه ننشد حايم الطير
عساه يعرف حبيبي والديار اللي وطاها

يـازين ماظن جاء من عندنا خله وتقصير
حتى وروحك تـخليها تمدى في جفاها

محسبك تنسى محبتنا وتسمع هرجة الغير
وأيـامـنا اللي مضت يـازين مانلقى كماها

أنت الـذي ممتلك قلبي ولك حشمه وتقدير
والروح فـي حبكم يازين يتجدد شقاها

صحيح من قال الثار الحب له ورده وتصدير
والـنـفس من شوفت الأحباب ماتأخذ هواها

عـسـى يجي يوم يتغير معه ذا الوقت تغيير
ونـفـسـر أحـلامـنا والروح يتحقق مناها

يـازين يـازيـن مايحصل لهذا الحلم تعيبر
والـعـله اللي بواسط القلب مانلقـى دواها

مـن لجـل حـبك وودك ماحسبنا للمشاوير
والـساق داس الـمخاطرفالديار اللي مشاها

يـاليت عين الحسودي بالعمى من غيرتبصير
أحـتار فـيها الدواء ياناس مايشفى عماها

يازين طول غيابك عن بلدنا ياعسى خير
الـيوم روحك تـغـلا كن مابعّد ك كفاها

يابو عـيوناً وساع الحب له حكمه وتدبير
وغـيبتك ياحبيبي عن بلدنا وش وراها

يـارب عـفـوك عـلينا لا يجي فالبال تكدير
يـنسم حالي ونور العين يتكدرصفاها

طـالت علومي زمـانا فات واليومه مقاصير
والنفس حسبي عالى من بالهواء يبحث قصاها