قلت الشهرغاب قال الناس شوف الشهر ماغاب

 

***

قلت الشهرغاب قال الناس شوف الشهر ماغاب

قـلـت الـشـهر غاب لكن العذر ماتعرفونه

وقـالـوا إن كان تقصد غير هذا الشهر كذاب

قـلـت العذر لي شهرغير اللي أنتم تبصرونه

ياشهر يوم أنت غائب عن بلادنا ويش الأسباب

مـاتـرحم اللي من أجلك ياشهر زادت حزونه

الليل يمضي وأنا أرقب طلعتك واقف على الباب

والـقـلب لوما يشــاهد نوركم زادت جنونه

يـاشـهر خلك بعيدا عالعرب في راس مرقاب

يـاشـهـر مـاضمن مثلك عالخلائق يدرقونه

يـاشـهـر مرضى فراقك لكن أمر الله غلاب

يـاشـهـر كم عاشقا بين العرب تبكي عيونه

يـاشهر ظليت أحسب طلعتك في قلبي إحساب

والـيـوم يـاشـهـر ياليت الدهر مايحسبونه

يـاشـهر من بعدما طول غيابك عارضي شاب

والـحـال مـيـت وقلبي بعدكم زادت شجونه

ياوجد روحي على من فارق أحبابه والأصحاب

وارتـاحوا أهل الهوى يالناس من سده ودونه