يـابن عواض هاك الليله علماً جديد
- قصائدي محاورات القلطه
- 21/9/2013
- 2820
هذه محاوره سريعه كانت بيني وبين الاخ طربوش بن عواض والاخ العميد الدكتور جارالله بن عبدالله ابو لسعه كانت في الرياض العاصمه ايام زمان عندما كان الاخ طربوش في العاصمه لظروف العمل والاخ جارالله ابو لسعه لظروف الدراسه كانت جلسه سريعه وممتعه عندي في السكن في مطار الرياض . ذكريات جميله .
***
الـبـدع // خـلـف بـن عـطيه
***
يـابن عواض هاك الليله علماً جديد
مـشـكـلـتنا مع الطيار من حلها
***
الـبـدع //طـربـوش بن عواض
***
المشاكل لها قاضي وحاكم رشيــد
مـايـعـرف البيوت إلا الذي زلها
***
الـبـدع // جـارالله الـنـهـاري
***
كيف تشكي على الأجواد وانته سديد
خـل بـعض المعارف ياخلف خلها
***
الـبـدع // خـلـف بـن عـطيه
***
كـلـما مر يوم أنظر لساع البريـد
والـحـيـاه الـشقيه خاطري ملها
***
الـبـدع //طـربـوش بن عواض
***
يـاحـلـيل الذي عايش لحاله وحيد
كـلـمـا مـر ديـره قال أبنقل لها
***
الـبـدع // جـارالله الـنـهـاري
***
الله اكـبـر عـلى بناً وجمعه عديد
فـوق فـلـجان ريده والمطر علها
***
الـبـدع // خـلـف بـن عـطيه
***
لـلـمشاكل ترى قلبي بحكمه شديد
عـزوتي في شفى سيلان برسل لها
***
الـبـدع //طـربـوش بن عواض
***
أما انا لودرجت مع العرب ويش افيد
مـاعـرفـت أكثر الميلان من قلها
***
الـبـدع // جـارالله الـنـهـاري
***
ابـن عواض قال الليله علمي وكيد
لـلـمـشـاكل بدور حل وفطن لها
***
الـبـدع // خـلـف بـن عـطيه
***
لا تـهـدد تـرى قلبي مثيل الحديد
كـان عـنـدك دعوي ضدنا شلها
***
الـبـدع //طـربـوش بن عواض
***
يـاخـلف شفت جارالله كثير النشيد
لـقـمـتـه نـاشـفه لاشك يبتلها
***
الـبـدع // جـارالله الـنـهـاري
***
يـابـن عواض لا ترمي هدفنا بعيد
كـل ديـره شـقـيه ما بتوصل لها
***
الـبـدع // خـلـف بـن عـطيه
***
يـاسـمي كأنك الليله من بني يزيد
لـيتني ادري عن السكين وش ثلها
***
الـبـدع //طـربـوش بن عواض
***
الـسـيـوف الشبيه حدها من حديد
مـن يـريـد الحرايب في يده سلها
***
الـبـدع // جـارالله الـنـهـاري
***
أنـت قاضي وبيدك حكم والله شهيد
دل روحـك عـلى درب السعد دلها
***
الـبـدع // خـلـف بـن عـطيه
***
من تمنى المنى ماجيت على مايريد
خـل روح الـمـعـنى تفتكر خلها
***
الـبـدع //طـربـوش بن عواض
***
كـانـي أبـصر مشاكلكم عليه تزيد
لـوتـقـوم الـحرايب بيننا من لها
***
االـبـدع // جـارالله الـنـهاري
***
يـاخـلف لا تسوي نفسك انك عنيد
ديـرة الـخوف تتعب قلب من حلها
***
الـبـدع // خـلـف بـن عـطيه
***
قـال نـمر الخلا للذيب ودي نصيد
قـال ذيـب الخلاء صيدتك لي تلها
***
الـبـدع //طـربـوش بن عواض
***
يـاخـلف قل لجارلله يـدور سـديد
الـدروب الـصعيبه كيف يامن لها
***
الـبـدع // جـارالله الـنـهـاري
***
يـبن عـواض كلا له مكاسب وفيد
أنـا بـتـرك ديـار أهل التهم كلها
عدد المقيّمين 0 وإجمالي التقييمات 0
