اليوم قالوا لنا عن تاجر الهنـد مـات
- قصائدي المحاورات والمجالسي
- 19/4/2011
- 1653
محاوره عرضه الشاعر سعد بن ربيع المالكي ( ابو يزيد) ومحدثكم خلف بن عطيه المالكي وكان هناك مداخله من الشاعر زايد بن عوض المالكي (صقر بجيله ) طبعا انا كنت ما خذ اسم مستعار وكان القصد من هذا تحريك قسم المحاورات والعرضه وكان هذا امر شبه متعارف عليه في المنتديات ايام زمان اليوم انقلها لكم بالاسم الصريح للتوثيق فقط .
***
***
البدع // خلف بن عطيه
**
اليوم قالوا لنا عن تاجر الهنـد مـات
ودي تحقق في الموضوع يـا بويزيـد
واكتب تقارير وشرح عن ظروف الوفاه
ليتك توكد وفاته كيـف وشهـي منـه
***
الرد // ابويزيد سعد بن ربيع
***
غرتني الهجره القشرا ورا الهندمات
بغيت ازيد العلوم اوعودة يابو زيد
وفيت لصحابنا لكن ضروف الوفاه
وانا تعاملت حسب الاصل وشهيمنه
***
البدع // زايد بن عوض
***
زايد يقل لا تحدوني علـى المكربـات
لاجل ايش ما عاد لي نيه بفتنه وكيـد
البحر ما تروي العطشان من وشر ماه
وماء يجي به لنا السقاي ما نضمنـه
***
الرد // زايـد بن عوض
***
انه يقول بن عوضه راعي المكر بات
وانا توكدت من علمـه لقيتـه وكيـد
في قبضة اهل العداله لا تقل وش رماه
اسقوه من سم داب الروح تلفظ منـه
***
البدع // خلف بن عطيه
**
لي صاحب (ن) في حياته ماهبا مكرمات
يوم كان (ف ) المنطقه يعمل برتبة عميد
ودي يكن كلبش اهل المخطيه والجنـاه
حتى ونأمن بوادي الخوف وامضي منه
***
الرد // ابويزيد سعد بن ربيع
***
الصاحب الماكر اللي ماه بالمكر مات
من مابقلبه رما بعض الخطايا عميـد
وانـا لـك الله وردة التمـر للجنـاه
غافل على نيتي وعلومي امضيمنـه
***
البدع // خلف بن عطيه
**
ضيعت في هجرتي ياكم حصل من هبات
لكن ياقلب (ف) الدنيا خسـاره وفيـد
كنا نسابق في الدنيا لمـال (ن) وجـاه
والقصد أقطع حبال الفقر ويـس منـه
***
الرد // ابويزيد سعد بن ربيع
***
حراس للمال وصبح مالهم منهبـات
وصبح كبير الحرس ينقل كلبشات فيد
واللي رسم خطة الحارس تنحنح وجاه
ولاعرف وش حلال البدو وي اسمنه
***
البدع // خلف بن عطيه
**
اقول ياسيل لم السدر والمض لمات
اشتال كل العقوم او كل منهاج حيـد
بقدرة الله ما واحد قوي منـع مـاه
وكل وادي مضاه السيل جاء ماء منه
***
الرد // ابويزيد سعد بن ربيع
***
الله يجنبـك ويجنبنـي المضلـمـات
جحيد من فعلة المكار منهـا جحيـد
وش ياخذ الثعلب الماكر قوي من عماه
وقيل من جا لبيت الله جاء مامنـه
***=
البدع // خلف بن عطيه
***
ماعاد نحمل سيوف او لا نشيل العصات
يوم كان حكم اهل مكه عند عبدالمجيد
في ظل حكم السعودي ماحملت العصاه
لكن بعض الخصوم أعوًد امزاء منه؟؟
***
الرد // ابو يزيد سعد بن ربيع
***
ايام شارون فاسرائييل كثر العصات
خروج عن سكة المالوف عبد المجيد
لاوفق الله من ساعد لحرب العصاه
وصار مابينهـم ترتيـب ومزامنـه
***
البدع // خلف بن عطيه
**
هبطت الاسواق لكن مابها شي فقـات
شفت البضايع تورد للموانـي وريـد
والقصد نشري بضعه (ف) البلد منتقاه
لكن (ف) السوق شي زحمات ومداحنه
***
الرد // ابويزيد سعد بن ربيع
***
والله لولى الحياء والخوف والشيفقات
لنحر عدوي بكفي مالوريد للوريـد
لني تحيرت معرف ظلمته من تقـاه
احيان يامطيبه وحيـان مـدا حنـه
عدد المقيّمين 0 وإجمالي التقييمات 0
