توّي عرفت أن البخت كان مايل

 

 

أقول يمكنى .. تنفرج فـالمقابيل

ولا أدري ان الأرض تحتي تهايل

 

وبعد التعب والهم والحط والشيل

توّي عرفت أن البخت كان مايل

 

مع ذاك أبو ذيك الرموش المظاليل

ذاك الغريب اللي عمل بي عمايل

 

جتني ...مراسيله تشب ّ القناديل

ومعها سؤال جاوبته .... النحايل

 

يقول كيف ... الحال بعد المراسيل

وأقول مثل الحال قبل الرسايل

 

عُمّر الكتابه ماتجيب المواصيل

قـلل مكاتيبك ترى الشك زايل

 

أن ماحصل همس وحنان وتعاليل

واعاتبك لين المح الدمع ... سايل

 

واجلس أسولف عن زمان البهاذيل

وأنسى السوالف لانسفت الجدايل

 

كذا يصير... الحب والوصل والليل

وكذا أدري إنك مانسيت الجمايل

 

أما كذا والا أترك ... الحظ لـلميل

واترك... تراب الارض تحتي تهايل