سفر دون رجعه
- مما أعجبتني ( نبطي عرضه قلطه)
- 13/11/2012
- 1633
- منقول
مـع الـسـلامـه يالقا حبنا اليوم
غـادرت عن حبك سفر دون رجعه
في رحلة الفرقا ترى الأمر محسوم
هـذا سـفـر فرقا على غير جمعه
عـن حـبـك اسافر ولاني بمليوم
دامـه لـغـز ماله من الحل رمعه
تـعـبت أعيش بدنيتك تقل منجوم
والـعـمـر قـفى ما تذوّقت نفعه
عايش على ذكرى مضت كنها احلوم
بـألـفين وسبعه يوم عشرين سبعه
يـوم الـغلا من بيننا البين مقسوم
مـتـقـاسـمـينه بين ثلثه وربعه
وهـالحين دام المسأله صد وهموم
حـب الـمـذلـه صدّر القلب منعه
أنـا مـسـيـر بس ماني بمحكوم
وش عـاد لو تطفين بالدمع شمعه
أنا إن هجرت الحب فالقصد مفهوم
الـحـر فـي نفسه عن الذل رفعه
ابقى الغريب اللي من الحب محروم
وتـبـقين شوق المغترب يم ربعه
وابـقـى بدونك حاكما طاح مهزوم
وتـبـقين مثل الجوهرة دون لمعه
برحل! مدام اللي حصل شي مقسوم
وحـلـفـت ماتذرف لفرقاك دمعه
دامـك لغيري حسب عادات وسلوم
الله ولا حـبـا لـتـشـويه سمعه
مـع الـسـلامـه آخر ايامنا اليوم
عـلـم ٍ اكـيد انه سفر دون رجعه
عدد المقيّمين 0 وإجمالي التقييمات 0
