ابو ناصر وزايد عوض

مما أعجبتني ( نبطي عرضه قلطه)
22/9/2011
1594
بواسطة الخلاوي

الـبـدع/ ابونـاصـر
****
لاتحـسـب الهدهد كما الـنسر والعقاب
ولا تـقـول ان الـحـمـامة من الـحجـل
الـبوم يبـقى بوم والـصـقـر من جنحانه
ما خاف من صـوت الـحـدياء وزولها
****
الـرد زايد بن عوض
****
اشوف بعـض الناس يخشى من العـقـاب
يخشى من المطـرق ويخشى من الحجل
لا عاد تعجب من عـزوفـه ومن جنحانه
وش لك فـي الـدنـيا بـقـينه وزولها
****
الـبدع/ ابــوناصـر
****
نسيـتني عـامين والـقـلب منك تاب
بغـيت اجـي لكن شـفـتـك عـلى عـجل
يوم ان قلـبك منشغـل في هـوى حبّانه
موعـد سـنة عـدا عـلينا حلولها
****
الرد / / المحترف
****
شريت لي هيلوكس تصميم من كتاب
يـصـرف في البنزين مشـيه على عجل
اجـرتها ساعـد وحـمل بها حبانه
وحَـملت الـموتر وساعـد حلو لها
****
الـبدع / / ابـوناصر
****
اهلين عـد السـيل فـي واسع الجناب
شال المدر والـسدر والـطـلح والـدقل
يسقي غروس اللوز والنخل في وديانه
تـشوّق الـفـلاح الى مر حولها
****
الرد زايد
****
حي الله نمرا ينقـل الموت ولج ناب
عـلى الـوفاء والـجود والـصدق ود اقل
نحن عـلى منهج محمد نقى وديانه
ندفع زكاة المال لا مر حولها
****
الـبدع/ ابوناصر
****
عـطـية بن عـقـدان ومـحمد الـمرقاب
يـدرون يـازايد عـن الحرف والـجُمل
عـلى رخاء ذا الـوقت والا على شدانه
اي هـرجة الغـلطان ما يرحـموا لها
****
الرد زايد
****
يـدرج طوال الليـل ومـحمد المرقاب
والا حمول الجور يـبدي لها الجمل
مع الذي يـقوى ويقـدر عـلى شدانه
في حزة الزحمات تـنقل حمولها
****
ابن حبيـش
****
بغيت اشـيل الحيد واقـرر العـتاب
واقرب اشاكوش وقـرب العتل
واعـمـر القـصـر الذي ما ثبت اركانة
الا عـلى ارضية نعدل مـيولها
****
الرد من زايد
****
بـغـيت الوم الـناس واقـرر الـعـتاب
واتـل ما يـنـتل لكن منع تـل
يا للي تبي بـحث القـصى بالدواير كانه
والـناس ما طابق ميولي ميولها
****
الـبدع/ ابوناصر
****
ابصر طـريق القـافـلـة مابه المنشاب
حـمل الـجمل موزون مافـيه منعدل
عـند الـشدايد يالله انك تكن بعـونه
سمحان ما جاه الـتعـب من نقولها
****
الـرد زايد
****
شباب هذا الوقـت يضحك عـلى من شاب
و الـشيبه يالـمرقاب عاقـل وينعدل
شبابنا ذالـوقت ما شـفت منهم عـونه
رتبت عـلمه غـير ولمن نقـولها
****
البدع/ ابوناصـر
****
زكاة مالك عـدها واخرج الـنصاب
هذا فـريضة جـابها الـشرع ما بطل
انا ابصر المصـري جنا الخـير من فـدانه
حـصل مـكاسـب من عـدسها وفـولها
****
الرد زايد
****
يا مالكيا قـلتهم حين ون صاب
لكن ودي تـفهم العـلم يا بطل
وتـميزه لا جاء نهاره وجاء عـدانه
وتـعـلن الـقاله لربعا وفوا لها
****
الـبدع/ ابوناصر
****
بعد نودي عـلمك الـصين واالـبنجاب
يامن شـكيت الـفـقـر والـقهر والـعـلل
تـرى حكـيم السـند مـعـروف من عـنوانه
وان رحت يم الهـند تلقى نهولها
****
الرد زايــد
****
اللي لـفى باللوز والتمر والـبن جاب
لا عـد تـعـله بالـمهابـيل والـعلل
وجـنبه ع الـسـكه اللي بـها عــوانه
مثـلـك ليا شـاف الزواهق نهوا لها