تلاشت أحلام كانت في خيالي تدور

الناس في هذه الحياة يعيشون مابين رخاء وشقاء وسعاده وهكذا الايام لها دوراتها والنفوس لها هواجيسها والكثير يحلم ولكن في نهاية المطاف ماقدر الله سبحانه وتعالى في عالي سماه هو ما سيحصل للانسان ونسال الله ان يكتب لنا ولاخوان المسلمين مافيه الخير .

***

***

تلاشت أحلام كانت في خيالي تدور
حملتها مع سنين العمر من ساسها

ساعات وأيام وتعدّت لحسبت شهور
صارت سنيناً وخان العمر مقياسها

حياتنا نعتبرها مثل موج البحور
أمواج هاجت ولا حنّت لغطاسها

تمر الأيام مابين الحلا والمرور
وكل ساعه نلبِسّها بملباسها

لا تحمل الهم والدنيا تراها عبور
وغبائن الصدر لا تظهر لعساسها

الناس للناس يوم الجد تلقى الحضور
لا جلجلت زحمه الايام بجراسها

الشجرة المثمرة ما يعتريها الضمور
والخير فيها وفي حزات .. مغراسها

ياشيخ لا تنشغل في محدثات الامور
سوالف الكذب ياالصاحب لها ناسها

اهم شي ابتعد عن موجبات الغرور
والنفس طيّب نواياها وهوجاسها

والله عالم نوايانا ... وما فالصدور
والنفس عالم خفاياها ووسواسها

ــــــــــــــــــــــــــــــــــــــــــــــــــ

القصيدة صوتيا