من طول الغيبات جاب الغنايم

 

فيه مثل مشهور عند الناس عباره عن بيت من قصيده وصار مثل يقال في مواقف معينه وهذا البيت ينسب الى قصه عن ابو زيد ويقول البيت من طول الغيبات جاب الغنايم استعرت هذا والبيت وبنيت عليه قصيده حول موضوع الغيبات .

***

***

يمطول الغيبات ماهي غريبه
أتـذكرك وغليك (والجو) غايم

حتى ولو قلبك تناسى حبيبه
لك الغلا حتى لو الوضع شايم

إن كنت ناسي فان هذي مصيبه
ومالك خبرعن قلب بالحب هايم

غيبتك صارت ياهواء البال غيبه
أسهر من أجلك وانت سالي ونايم

القلب ماينسى مواقف صحيبه
ومن داركم نرجي هبوب النسايم

سارت لنا يازين قصه عجيبه
وماينفع أهل الحب زود الندايم

أدري مع أهل الحب ندفع ضريبه
وقلبي مع الذكرى شديد العزايم

وأدري عن العاشق دروبه تعيبه
وماهمني (م)الناس شامت ولايم

يازين لو طالت علينا المغيبه
عد السنين وزد عليها التمايم

قال المثل من غاب وقته يجيبه
ومن طول الغيبات جاب الغنايم

ـــــــــــــــــــــــــــــــــــــــ

الاستماع للقصيده صورتيا