حتى المعادن لو تلاحظ مرخصين اثمانها

هذه الابيات حقيقه كانت لها مناسبه وقصة وهي ان احد الاصدقاء كان متاثر كثير كثير برسالة وتساب وصلت من احد احفاده وكانت الرساله تهنئه بالعيد وكانت رساله عامه لمن يعرف من الاصدقاء ولا تتناسب مع من هم اقرباء مثل الجد او العم وكاتب في اخر الرساله مع تحيات أخوك رغم انه من فئة المتعلمين ولديه درجه علميه طيبه جدا وكان صديقي هذا يقول ان اغلب الشباب يسمعون كثير ويتاثرون كثير بمن حولهم حتى وان كان الامر يتعلق بالاقارب ويألبونهم على اقاربهم كبار السن لغرض في نفس يعقوب .
جادة قريحتي بهذه الابيات المتواضعه تناسبا مع مع سمعته من صديقي الغالي .

***

***

لا ساروا أحفادك يهنونك ومن ضمن العموم
برسالة الوتساب وش مكتوب في عنوانها

مكتوب وأنا خوك حطم .. كل معنى للسلوم
حطم مفاهيم العرب .. بشكالها .. والوانها

إن كان هذا التربيه وش عاد ترجي من علوم
من هجرةً شوف الخلل ياشيخ ..في ميزانها

يافلان حتى لوفرضنا وأن بالاجواء ..غيوم
ارفق على الشيبان . وتحمّل وجمّل شانها

ترى شبابك لو يطول العمر والله .. ما يدوم
من جهز الدله شرب ...تالي الزمن فنجانها

إرفع مقامك يا وليدي عن مسارات الرخوم
أحذر من الغفله وساعاتً حضر شيطانها

حتى ولو توصل وبعلومك مدارات النجوم
الارض تهوي بك وفي للحظة مع دورانها

وش لك بناساً هرجهم وفي القفاء كله سموم
حتى المعادن لو تلاحظ مرخصين اثمانها

ومن هدم ساس العلاقه جعل حظه مايقوم
صاحب يقدم لك سوالف ... سابقات آوانها

زود التجافي والتباعد والخطاء ماله للزوم
وثغره يجي منها خطر هيّأ أقفلوا بيبانها

ــــــــــــــــــــــــــــــــــــــــ

الاستماع الى القصيده صوتيا