النمر من طبوعـه مايحـب الذيـاب
- قصائدي المحاورات والمجالسي
- 14/2/2019
- 1644
الشاعر سعد بن ربيع المالكي (ابويزيد)
هذه المحاورة كانت بين شاعر اسمه ( الشبح ) وشاعر اسمه شيخ القوافي وطبعا الشبح هو اسم مستعار تسميت به أنا وكان هناك ايضا شاعر رمز لاسمه بالشبح وحسب علمي انه من تهامه ولكن انا اضفت شرطه (ــ ) في الاسم على اساس لا يتعارض مع الاسم الاول (الشبح) وسويت نفسي اني من تهامه وحاورت شيخ القوافي الي هو الشاعر القدير ( ابو يزيد) وكما تعلمون الشاعر ابو يزيد كان له صولات وجولات في المنتديات وهو شاعر مبدع في كل الاحوال فتحنا لنا منتدى وعلى اساس الابتعاد عن الاختراقات والهكر اتفقنا بيننا كل شخص ياخذ اسم مستعار عليشان نمشي المنتدى ونجح الوضع بعض الشي .
ـــــــــــــــــــــــــــــــــــــــ
البدع / / (الشبح ) خلف بن عطيه
***
الظروف اجبرتنا كلنا (ع ) الغيـاب
ليت شيخ القوافي لا حضر مايغيـب
والذي زار مكه لـو يطـوّل خطـاه
يبصر الدرب واضح لا تعدى الشرائع
وان تقفل طريق السيل جاء من كراء
***
الرد / / شيخ القوافي ( ابويزيد)
***
جارنا الله وجارك من هروج الغياب
الواثق لايسب ومعدنه مايغيب
والمخطي من يرده لابدا في خطاه
الخطا والظليمه حرمتها الشرائع
لن منها يجي ظلم (ن) وجاء منكراء
***
البدع / / (الشبح ) خلف بن عطيه
***
لا تشب الجمر في وصط قلبي شباب
وبتعد لا تِسيّر (م) الطريق النشيـب
واعـرف البحر الاحمر دائماً مرماه
والذي مر ساعه جال سوق البدايـع
باع ياصاحبي في سوقهم وشتـراء
***
الرد / / شيخ القوافي ( ابويزيد)
***
يالشبح ماعرفتك شيبه ولا شباب
امنا قد مضى عمرى وقد ون شيب
والهدف لا تسي الظن جاء من رماه
شرعنا يمقت اهل المخطيه والبدايع
وش ترا طال عمرك فالمثل وش تراء
***
البدع / / (الشبح ) خلف بن عطيه
***
سيفنا الي مذهب موضعه في نصاب
وانت مالك على سيفي ومالي نصيب
من شرب حاليه قلبه على مر جاه
وانت لا عاد تفزع .. بالقلوب الودايع
لا تطاء بالقدم ... فالدرب وتميزرا
***
الرد / / شيخ القوافي ( ابويزيد)
***
سهمك الي رميته عارفه فين صاب
ونحن مثلك ليا منا ... رمينا نصيـب
والذي يتهمنـا ... خيـب الله رجـاه
والبنوك اشغلتنا صرفها والودايـع
واهل القنص تعرف شغلة الميزرا
***
البدع / / (الشبح ) خلف بن عطيه
***
علمنا جيتبه ياصاحبي من كتـاب
لكن قلبي على ولفاك مايل قريـب
لا تقول التهامي ما يحب السـراه
صاحبي مانبي له في زمانه وجايع
مانبي خاطره يندم على ماجـراء
****
الرد / / شيخ القوافي ( ابويزيد)
*****
كل ماقلت قلبي يالشبح منك تـاب
حن لك مثله الضامي لماي القريب
والي يشفق وظلم لليلنا مالسراه
في زمان الملك عبدالله مافيه جايع
لكن لاتتلي الونه على مــا جـراء
***
البدع / / (الشبح ) خلف بن عطيه
***
النمر من طبُوعـه ... مايحـب الذيـاب
وانا ماشفت لي فالدرب نمر(ن) وذيب
والعرب كل ذئب (ن) تعرفه وش نواه
ان تغير بشكلـه مـا تغيـر ... طبايـع
ليـت راع القناصـه ... مايولـي زراء
***
الرد / / شيخ القوافي ( ابويزيد)
***
شفت طلع التمر من مطلعه جا ذياب
واهل التمر تقطف كل تمر(ن)وذيب
ونت تعرف وتدري عالتمر وش نواه
والصحف والجرايد صدرت مالطبايع
بعد حطو لها المنظـار .... واليـزراء
***
البدع / / (الشبح ) خلف بن عطيه
***
بالله ياشيخ الى جالك سفر وانتداب
مرنا (ف) التهم تلقى محبه وطيب
وان مثلك نحبه لو مع الوقت اراه
تكفى ياشيخ لا تبخل بزين الطلايع
كان لك في تهامه عندنا منـدراء
***
الرد / / شيخ القوافي ( ابويزيد)
***
كيف ياداب نامن صحبتك ونت داب
وان سم الحناشه مخبره ماء يطيب
من درس فالبلاغـه دوره وقتـراه
يظهر الدخن والسمسم بزين الطلايع
عن كثير السوالف قلنا مـن دراء
***
البدع / / (الشبح ) خلف بن عطيه
***
ابصر اهل الخيانه قفلـوا كـل بـاب
لكن اصبر مع الله ينفتـح كـل بيـب
الفعايـل تراهـا كلهـا ... مـن جنـاه
وانت ياشيخ لك علم (ن) ومنهاز رايع
ودي اعلمك علم (ن) بعد مـا طـراء
***
الرد / / شيخ القوافي ( ابويزيد)
***
ناكل حلو التمر ومنت ... تاكـل بـاب
مثلك ماينحسد (ع) الطيبه كل لبيب
يزرعون الزروع اويحصدون ... الجناه
وشلي من مزرعاً ماريت منها زرايع
قل منها الحصيل اوعافها .. الماطراء
عدد المقيّمين 0 وإجمالي التقييمات 0
