غابت نجـوم السمـاء مابقـي الا سهيـل
- قصائدي المحاورات والمجالسي
- 29/3/2018
- 1757
هذه المحاوره كانت بيني وبين الشاعر احمد بن رده (ابوياسر) وكان ابو ياسر ماخذ اسم سهيل وكان ذلك ايام المنتديات وعلى اساس نحرك المنتدى بالمحاورات اخذت اسم مستعارايضا وكانت هناك مداخله من الشاعر ابو ناصر ورد عليه شاعر رمز لاسمه (بالشبيبي ) طبعا انا قمت بالبدع على اساس
اني من ناحية تهامه وكان الهدف من ذلك ايجاد موضوع للمحاوره وابو ياسر ماقصر قام يرد عليه واستمرت المحاوره وكان لها صدى في قسم المحاورات في حينه . الله يسقى ايام المنتديات عرفتنا بالكثير من الاصدقاء الذين لازالت ذكرياتهم الجميلة عالقة في الذاكره .
***
ــــــــــــــــــــــــــــــــــــــــــــــ
***
البدع // خلف بن عطيه المالكي
***
غابت نجـوم السمـاء مابقـي الا سهيـل
يسهيل يوم انت عالي (ف)السماء وش تراء
وش ريت ذيك النجوم الصايفه (ع) المـدار
امـا سهيـل استهلنـا مـن نجوميـتـه
***
الرد //أحمد بن رده المالكي
***
يامرحبا رغم ظرفي صعـب ولا سهيـل
وسهيل يعرف معدات الفضاء واشتراء
وإن حد نشدني ودار الهرج والعلـم دار
هروج بعض العرب من حين جو ميتـه
***
البدع// خلف بن عطيه المالكي
***
لي صاحب (ن) تهمته في خاطري بالدليل
ودي بقاضي يصـدر حكـم ومعـزراء
وتصدقـه هيئـة التمييـز ذاك القـرار
ويعتـرف صاحبـي واعـرف شفافيتـه
***
الرد// أحمد بن رده المالكي
***
تبدَ مع صاحبك في الصبح وتبد ليـل
والصحبه ماتنقبل للصاحب امع الزراء
تخير الساس بيدك وابن فوق القـرار
وابليس كيده ومن سد الشفـاء فيتـه
***
الـبدع/ من ابوناصر
***
مابين عنف الشباب وبين حكمة جليل
ما ودنا يسكت العاقل علـى المنكـرا
بعض الرمايا لها صوبة ومنفذ مطار
وعلة السوق مـن كثـرة حراميتـه
***
الرد //من الشبيبي
***
اللي ذرا الحب وقت الصرم ولّم جليل
واليوم حنا نبي ياعاصمـي منـك را
لو تنفر الطايره تهبط بمدرج مطـار
أعرف حلال الخبر وأعرف حراميته
***
البدع// خلف بن عطيه المالكي
***
النومسي له نياشين القدى وزرفيـل
له رامياً حط له في كل معناز راء
واذا رمى عالهدف شفناه وشاء ونار
وظن توسم على ذاك المرو ريتـه
***
الرد // أحمد بن رده المالكي
***
ازرة جيوش النجاشي تنتصر وازرا فيل
جاه القدر وانتهى في كل معنى زراء
مايتفق في نهار السيل منشاء ونـار
خل ابرهـه ... ياتنـازل عـن مروريتـه
***
الـبدع/ من ابـوناصر
***
الفرق واضح ترى بين الجبل والجبيل
والفرق معروف بين الحيد والمـادرا
العلم واضح في المعنى وضوح النهار
واللي مشى تحسب الخطوة هبوديته
***
الـرد/ من الـشـبـيـبي
***
لو كان تبني لنا قصراً بوسط الجبيـل
قلبي لك الله عن أعلام الردى مـادرا
والكبد ما أرويتها إلى من عدود النهار
والنمر يخّـر .... نمـر يربـاه بوديّته
***
البدع // خلف بن عطيه المالكي
***
نحن ترى من شدا نرقبك يا شفاء الغليل
لا شفت برق (ن) نضح من بعده الماطرا
والخير غطى على كل المـدن والديـار
والسيل ياما نتظرنـا في رجـاء جيتـه
***
الرد// أحمد بن رده المالكي
***
ياخوي بعض الدعاوي مابتشفى الغليل
شيآ طرا لك وشي في خاطري ماطرا
خذ لك معي علفضاء كم لفتآ والديـار
وإن ثار بركان خيل في رجاء جيتـه
***
البدع //خلف بن عطيه المالكي
***
حنا على موعد الصدقان الى جاء رسيل
والقلب مايحمل الضيقه علـى ماجـراء
وكل علم (ن) يجي له وردة (ن) وصطدار
أكيد كلا (ن) يبـي يـرزق علـى نيتـه
***
الرد// أحمد بن رده المالكي
***
تجنبوا عن طريق السيل لاجار سيل
لا لاح برق لخيال وبعده الماء جرا
اللي من اول بامان ومنزله وصط دار
بيعرف السر بكره من علـى نيتـه
***
البدع // من ابو ناصر
***
كب التهاويـل وابـرك للحمـل ياكحيـل
على اليمين اللتفت وابعد عن الميسـرى
وابتل في الدرب واحذر لا تصف عالمسار
لا تخلف الوعـد والحـادي علـى نيتـه
***
الرد // من الشبيبي
***
يامرحبا وأنت شاعر مقتدر فيك حيـل
وإن كان مني طلبت الشور علمي سرى
لاتتعب الروح والتاريخ في علم سـار
والجـرج ماتنتهـي مـدة صلاحيتـه
***
البدع // خلف بن عطيه المالكي
***
بغيت اجر القدم ومضي لـواد النخيـل
وشوف وش عندهم من باديه وش قراء
وثار بيدي عصا عوجاء مع بخت بـار
وبعـض الاعـواد ماتغبـى عواجيتـه
***
الرد من //أحمد بن رده المالكي
***
مدري بعصر الفضاء وش نستمع وش نخيل
اسهر مع الليل والشعـر انظمـه وشقـراء
واللي بعد يـا تعلـم جيـت لـه باختبـار
حتـى العواجـي تنـازل عـن عواجيتـه
***
البدع// خلف بن عطيه المالكي
***
ياصاحبي (ف) الشفاء ودي نريًح وقيل
وعود القلب (ع ) الطلعه و(ع ) المندراء
ان كان باقي لساقي حيلة (ن) وقتـدار
ورقب شداء وتعجب مـن قـرا ريتـه
***
الرد // أحمد بن رده المالكي
***
مايرضي الوقت من يمشي بقالآ وقيل
في كل حالآ خبير وكل علمـآ دراء
مايدري إن الفلك دوار والوقـت دار
لو كان يدري تمهل فـي قراريتـه
***
البدع // من ابوناصر
***
عايش في احلام وآسامـر وليلـي طويـل
واصبح في الصبح والمرسم على الدفتـرا
انت السبب (يا خلف ) فيما حصل من عيار
ساكـت وعينـك علـى الجنـي وجنيتـه
***
الرد // من الشبيبي
***
يامرحبا ياهل مرتاً في العدو حط ويل
والقلب ماضره اللي عالعباد أفتـرى
والموت واحد برمية سهم ولا عيـار
والتمر ياعاصمـي بايـديّ جنيّتـه
***
البدع // خلف بن عطيه المالكي
***
لاقربوا دلة (ن) بالهيل والبن كميـل
يروى بها القلب لو غلا بها التاجراء
فنجالها يروي الضميان لو في شهار
مايرقـد الليـل متحـزم بجنبيتـه
***
الرد // أحمد بن رده المالكي
***
لو ملت علبورصة مالك عن البنك ميل
بالبسك تاج واهبي لك مع التـاج راء
واشهر علومك على كل المبادي شهار
واللي تهقوا يصابح لك بجـن بيتـه
***
البدع // خلف بن عطيه المالكي
***
لانت حيود الجبل حتى ولان الصميل
والقرن الانصب قليل الحظ ومعثراء
وفي التهم عندنا ياصاحبي شي نمار
وكل نمر(ن) ... تخيـل فـي نماريتـه
***
الرد//أحمد بن رده المالكي
***
ما سرت علهاويه حتى ولا نص ميل
اصلي مزارع وحث الخطوه مع الثراء
اتجنب الحنضل اللي طعمه الشين مار
واعرف بمنشاه وادري فين ماريته
عدد المقيّمين 0 وإجمالي التقييمات 0
