ليت جدك وثق أملاكه بحجه من دهيم القاضي
- قصائدي المسيرات
- 6/1/2018
- 1821
حبيت اخذ واعطي مع الشاعر الخلوق عطيه بن عقدان المالكي (ابوريان) في احد المواقع وكنت انا ماخذ اسم مستعار وحبيت استثير حفيظة شاعرنا القدير ابو ريان وكذلك قلت نحرك قسم المحاورات وبدعت هذه الزمله او المسيرة ... ورد عليه ابو ريان برد يجمل وينومس واقول له صح لسانك ملاييييين يابوريان .
***
***
البدع // خلف بن عطيه المالكي
***
ياعطيه مالكم ياشيخ قسـماً في جـبل عـقب
لجل تبني بيت تتوسع في القريه مثيل العالم
وإلا خايف مالمشاكل والدعوي والمطالبه
حتى في ريع الصُفر ماعاد لك قسمه ولانصيب
ليت جدك وثق أملاكه بحجه من دهيم القاضي
كان شيدتم لكم بيـتاً في الديره وقـر أبناه
زادت الضيقه وسافرتم وخليتم عـلوم الديره
سرت فـي ينبع بعيد إبديرةً غُـربه .. وفايته
***
الرد // عطيه بن عقدان المالكي
***
مرحبا ياالشاعر اللي مابنى خلّه ولا عقب
يازميلي كل ماتحوي قلوب الناس عند العالم
الله اللي ينصر المضلوم ويحقق مطالبه
الهدف واضح لنا لكننا نخطي ولانصيب
وا ن بعض الناس مثل الحبل جاله فتلةً وانقاضي
والمشاكل ماتجي الا مالذي للقلب قرًبناه
والذي مثلك يحب الخير ويريس الفكر ويديره
يعتبرني لبس جنبه وان دعى يلقى وفايته
عدد المقيّمين 0 وإجمالي التقييمات 0
