خلف بن عطيه والشيخ أحمد بن عطيه ابو طلايب

 

هذه المحاوره مجالسي كانت بيني وبين الشاعر والاديب الشيخ القدير احمد بن عطيه ابو طلايب حقيقه هو شاعرواديب وشيخ قبيله يملك التميز فيها جميعا ..

***

***

البدع // الشيخ احمد ابو طلايب

***

الليله ودي ... يقابلني بالاعلام شاعر

شاعر يكن مكتمل في موقع البدع والرد

ولا يزين القصيد ... الا بحكم المعاني

ان كان .. ماعن كلام ايولف بغير معنى

لاخير بالكلمه اللي ما يجي.. فود منها

***

الرد // خلف بن عطيه

***

انا مع اصحابنا اسمع فالمعاني وشاعر

ونحن مع اهل القصائد علمنا دوب والرد

لكن ياصاحبي مبغى .. الدروب المعاني

مادام ربي على درب المحبه ...جمعنى

بالمعرفه باخذ المقصود ... وقول منها

***

البدع // الشيخ احمد ابو طلايب

***

الجيش له قوة استخبار ولهم مصادر

لكن ما يرحمون الخصم الى جد من جد

والصاحب اللي تعزوى بجيشنا ما يهاني

المرت فيه القدر محتوم والماس معنا

واللي معه طمعة في دارنا ياس منها

***

الرد // خلف بن عطيه

***

علومنا ذالسنه ... ياشيخ سارت مصادر

تركت ديره ... ربينا جالها جد من جد

اليوم حتى الغريب اشرب معه ماي هاني

ونحن مع الناس في ذالوقت ياماسمعنا

عن ديرة الباديه فيك .. البلا ياسمنها

***

البدع // الشيخ احمد ابو طلايب

***

ما يلحق السوق راع الجلب لو ما يبادر

تغير الحال ماهي سوق الاثنين والحد

والزرع في ذ الزمن لو تعدنه ما يجاني

وانا عرفت الحدود الصادره من شرعنا

اما انتقل وارد ... البلجيك والا ابتعنها

***

الرد // خلف بن عطيه

***

ترى مريض اهل دوقه علته من وباء در

سرى يهوجس وحتى جاوز القسم والحد

عرفت علمه ... ومنطوقه بعد يوم جاني

في ذيك الانهار انا وياه ياما ... شرعنا

والواجبات ... القديمه ذيك جاوبت عنها

***

البدع // الشيخ احمد ابو طلايب

***

شيا من اقلامنا مالت حروفه ..وشي قر

ماودي آفتّش ... الاوراق .. وابيح السد

ياكم لي ادرا مريض القلب واعطيه اماني

ونحن لك الله على افعال الجمايل ولعنا

حتى بطون ...العدا من زادنا .. نشبعنها

***

الرد // خلف بن عطيه

***

العـُود .. ماينضربه ... لو تكسر وشيقر

ماني بمن يبدي الضحكه وقلبي يحسد

وابو فهد من صّدق فالقول يعطيه اماني

وراعي الفتنه ... له منا مسبّه ولعنا

وبلادنا ... بأمر ربي نبعد انشب عنها