ثنائيات بيني وبين الشاعر الوافي

 

الشاعر الوافي دارت بيني وبينه هذه المساجله حبيت ان انقلها لكم .. نتمنى ان تنال على رضاكم واستحسانكم .. وهي على شكل ثنائيات يعني كل بيتين لها قافيه مستقله ..

***

البدع كان من الوافي

***

اواصلك من باب تقدير واعجاب

ومن مقصدن صافي ونيه سليمه

 

وفي ذمتي صادق ولاني بكذاب

عسى الذي شرواك ربي يديمه

***

الرد // خلف بن عطيه

***

هلا بك وأنا بغليك من ضمن الأصحاب

ولك عندنا ... ياشيخ حشمه . وقيمه

 

ومثلك .نهلي به ونفتح له .الباب

صـداقه مع أمـثالك تـراها .غنيمه

***

البدع كان من الوافي

***

كسبت فالدنيا معرفة رياجيل

لو تنشرى بالمال كلن شراها

*

وافين وان جات اللوازم حلاحيل

جعل الرخوم اهل السوالف فداها

***

الرد // خلف بن عطيه

***

يا مرحبا وإن جتك رد المراسيل

كل المعاني ... فالرسائل تراها

*

مثلك ترى مايسمع القال والقيل

وأفكار غيره .. مالرسائل قراها

***

البدع // كان من الوافي

***

رفيقي انت الثمين الي مقامه ثمين

ومن الكلام الثمين اهدي عليك اثمنه

 

انت اطيب الطيبين الي جمعت الثنين

الراس ماطيب منه والقلب ماانظف منه

***

الرد // خلف بن عطيه

***

ليت الصداقه مع مثلك تطول السنين

صداقتك ما نبيها ... يوم وإلا سنه

 

ادري بمثلك ترى ما يذبح إلا سمين

والّجّلب فالسوق ما يتخيّر إلا أسمنه