دين الفلوس ولا ديون الجمايل

الشاعر ضيف الله غزاي العتيبي

ابيات حقيقه رائعه جدا وتكتب بماء الذهب فهذه الدرر نقول للشاعر صح لسانك انت شاعر فعلا مبدع صاغ واجاد ابيات لها وزنها كما يقال كلام سمين وثمين.

شكرا للشاعر ضيف الله غزاي العتيبي.

***

ــــــــــــــــــــــــــــــــــــــــ

رد الجمايل من طبوع .. الوفيين

ولا للجمايل ... فالجمايل بدايل

وإليا حداك الوقت لمواجه الدين

ديـن الفلوس ولا ديـون الجمايل

وحنا على الدنيا طراقي وماشين

نـجمع مزاهبنا ... لشد الـرحايل

والمال يفنى والرجاجيل . باقين

بذكارهم .. لو كان تحت النثايل

والفقـر ماثنّى ...يديـن الكريمين

عن جودهم يـوم السنين الاوايل

والمال مابيض وجيه الشحيحين

ولا حصلوا من خزنه إلّا الفشايل

وياكثر ناسً فالـعوالي سلاطين

وان جـات للشده تبيـن الفعايـل

واعيدها واحـطها بيـن قـوسين

دين الفلـوس ولا ديون الجمايل

عدد المقيّمين 2 وإجمالي التقييمات 4

التعليقات على المقالة 1

القصيده للشاعر ضيف الله غزاي العتيبي