ابن مستور وخلف بن عطيه (قلطه)

هذه المحاوره هي على لون القلطه كانت مع الشاعر القدير مساعد بن جابر بن مستور المالكي ومحدثكم خلف بن عطيه المالكي وكانت ايام المنتديات في الماضي اتمنى ان تنال على رضاكم واستحسانكم ودمتم بخير .

***
البدع // مساعد بن جابر بن مستور
***
المبتدا ابدا .. بذكر الله ومني سلام
ياربعي اللي لهم عندي ... مقام وقدر

اللابه اللي تبان ... أفعولها بالزحام
ياعلهـم في نعيـم ولايجيهــم ...كـدر
***
الرد //خلف بن عطيه المالكي
***
يامرحبا إعداد من صلى وقبل وصام
وإعداد من حج بيت الله ومن ذا صدر

ياشاعراً له مكان وقدر عالي المقام
يابو مشاري طلوعك مثل ..نور البدر
***
البدع // مساعد بن جابر بن مستور
***
لك البقا ياعريب الساس يابن الكرام
ياللي كلامـك لكل الناس مثل الدرر

سؤوال وأبغا الأجابه منك والحكم تام
بالعرض صوره ولاهي مثل كل الصور
***
الرد //خلف بن عطيه المالكي
***
ما كل صوره نفسرها بشرح وكلام
وإن تسأل الناس كلا قال وجهة نظر

السيف قالوا له البتار قالوا . حسام
الاسم .. واحد ولكن وش تقل للبشر
***
البدع // مساعد بن جابر بن مستور
***
أضن لي حق أداعيكم ولاهو خصام
دامك تساوي بيوتاً باليه ... بالقصر

وان ماحصل مانبي نويت بالأعتصام
ليما يجي مانبي ولا... يجينا ...عذر
***
الرد //خلف بن عطيه المالكي
***
أبشر بسعدك ومثلك لا حضر.. مايضام
إن جئت أشبّهك أقول إنك مثيل البحر

أنا أعرف إنك نهار الضيق فارس همام
خصمك له الموت ونصلي عليه الظهر
***
البدع // مساعد بن جابر بن مستور
***
ترى القضيه تبي من شخصك الأهتمام
ولا تقــدمـت للقاضــي ونلت النصــر

خصوص لا قلت حج الرجل دون الحـرام
والهدي عنده من السمان صيد الصقر
***
الرد //خلف بن عطيه المالكي
***
يا بو مشاري.. سهرنا لليلنا ماننام
ماني مشجع هلال ولا .. مشجع هجر

الي يسجل هدف يقلون ياخذ وسام
والي جلس فالمدرج جاه رمية حجر
***
البدع // مساعد بن جابر بن مستور
***
تنافس الغرب ماضنه وصل الأقتحام
واحنا التنافس على ناقه وبيت الشعر

وصلت لحد العرب تدّرج شـرقـآ وشام
وصلت لحد ان ردالقزوعي بالشقر
***
الرد //خلف بن عطيه المالكي
***
الى ذبحنا .. الجمل ما ناكل إلاّ السنام
حتى ولو كان فالصحه علينا .. خطر

مادام هذا ... من النعمه ولا هو حرام
أكيد أباخذ لحم صافي .. وشب الجمر