يابنت نار المحبة ذيك سارت ... رماد

***

يابنت نار المحبه ذيك سارت ... رماد
والحب الاول بعيني سار والله سراب

القصه إن جيت أبكتبها خذلني المداد
قبل أكتب الخاتمه ونهي فصول الكتاب

إن جئت للماضي الأفكار فيها أزدياد
قمت ... أتخيل وهي بتمر مر السحاب

الواقع إني من أجلِك ماهنيت الرقاد
ومسيت.. أكابد سواد الليل والأكتئاب

ذكرى السنين الخوالي ثابته فالفؤاد
رغم الظروف الصعيبه رغم طول الغياب

أحيان أكابر مع الذكرى وسوي عناد
وأحيان أقاوم صدى الذكرى بزود العتاب

إلا إنها في ... خيالي كل ساعه تعاد
هذي .. حقيقه ووضحها بفصل الخطاب

لوهي على قفزت الفارس بظهر الجواد
وإلا على من بمقدوره ينيخ الركاب

وإلا ... على وقفت الفارس وقدح الزناد
وإلا على السيف الأملح يوم يطوي الرقاب

كان أنتهينا وخلصنا ... زمان الحصاد
وسار ذكرى لنا الماضي وطيش الشباب

ـــــــــــــــــــــــــــــــــــــ

القصيده صوتيات

عدد المقيّمين 0 وإجمالي التقييمات 0