العين تكشف ماتخفى بالصدور

 

احيان كثيره تصادف شخص يتحدث معك وياخذ ويعطي بسوالف خفيفه ولكن من خلال نظرات عينه تستطيع ان تستشف عكس ما كان يتحدث به من الكلام وهذه امور تحتاج للدقه والفراسه عند بعض الناس ويسمونها لغة العيون .

***

***

عينه تكلم .. والشفايف صامته

والعين تكشف ماتخفى بالصدور

 

أحيان .. يعطينا إبتسامه باهته

منها وفيها يتضح معنى الغرور

 

والدرب واضح... مايشوف إبدايته

والشمس تجري والفلك حوله يدور

 

من كان يحلم ... والتكبُر غايته

يشرب من العلقم ويتذوق مرور

 

الي تكبر... مايشوف نهايته

تمضي به أحلامه ويمسي فالقبور

 

ترى الذهب ... كلاً يميز خامته

وان جيئت به للصرف ضني مايبور

 

مثل الذي ترقى .. الثرياء هامته

على ..مدارات الجدي يأخذ عبور

 

يمشي مع ربعه... ورافع رايته

شيهان يرقى وين ماترقى الصقور

 

و الي تعزوا... والليالي ضامته

يلقى كريماً يوم للزحمه حضور

 

يقضى اللوازم... ما يقلك فايته

حتى ولو كانت وراء السبع البحور

ــــــــــــــــــــــــ

القصيدة صوتيا