الشاعر محمد بن حوقان وقصيدة ( عز الرياض )

ابداع الشاعر الكبير محمد بن حوقان في قصائده الوطنيه لا ينقطع سواء في شعر العرضه وكذلك الشعر النبطي وهذه الابيات تجسد حب هذا الشاعر للوطن الغالي وحكومتنا الرشيده ممثله في عاصمتنا الحبيبه الرياض واميرها المحبوب صاحب السمو الملكي الامير سلمان بن عبدالعزيز.

***

عز الرياض وعز وادي حنيفه
وعز الامارة والامور العظايم

عدل الحكم سلمان بالعز ريفه
خمسين عام وكل ابوها غنايم

تبصر بعدله عين حي كفيفه
المجد له والطيب والعز دايم

العدل ميزانه والامجاد سيفه
لا روحت ما بين شاري وسايم

زبن المجنى في نهار النكيفة
لاطاح واصطكت عليه الهزايم

قاد الخيول المسرجات العسيفه
ضمر الخصور منسقات القوايم

سيرة بطل ماهي مجرد وظيفة
بنا وطن سامي قوي الدعايم

ايمانه اقوى مالحياة المخيفة
يوم ان غيره فالمذات نايم

شطب على صدق التعالي وزيفه
متواضع لله ساجد وقايم

نفسه مطوعها على كيف كيفه
ما تنخدع فالبهرجه والنعايم

ذخر الصديق اللي حياته كليفة
عون الرفيق اللي عن الحظ شايم

راسا لبذل الجود ماجا وصيفه
حشا ولا هبت عليه النسايم

راسا يشمّخ بالجبال المنيفه
ما شمخّت به زاهيات العمايم

بعيون سلمان الثقيلة خفيفة
قلبا على الدنيا شديد العزايم

هو فارس احلام الرياض العفيفة
حرٍ على روس الشواهيق حايم