أبيات تكتب بماء الذهب

 

الشعر إحساس والشاعر دائم يترقب ذلك الاحساس في لحظه ... احيان تجد ابيات من قصيده قد يتناقلها الرواة على مدى العصور لما فيها من حكمه واحساس صادق كان يلامس مشاعر قائلها ..

 

لا خاب ظني بالرفيق الموالي

مالي مشاريها على تالي الناس

 

ياجعل قصراً مايجي له ظلالي

ينهد من عالي مبانيه للسـاس

(محمد الاحمد السديري)

******

ياناشداً عني تراني شليويـــح

قلبي على قطع الفيافي عزومي

 

لا قلّت الوزنه وربعي مشافيح

أخلي الوزنه لربعي وشومــي

شليويح العطاوي

 

******

ماني .. وانا بندر... ببياع دمه

خسران يابياع دمه .وشاريــه

 

أحداً ينام وحط راسه .. بكمـه

وأحداً تخم النوم عينه وتخطيه

 

واحداً يحاول بالرجى بنت عمه

واحد يحاول ستر عذرا عوانيه

بندر بن سرور

 

******

ترى حلاة الخوي إن طالت المـده

ماهوب نوباً صديق ونوب قوماني

 

رفيقي اللي مصافيني على الشـده

وإلا الرخا واجداً.. ربعي وصدقانـي

(سليمان بن شريـم)

 

******

الأعمار ما يبقى بها مثل مامضى

والأيام م اللي فات.. منهـا بعايـد

 

نعـد الليالـي .. والليالـي تعدنـا

والعمر يفنـى .. والليالـي بزايـد

(راشـد الخـلاوي)

 

******

الروح وش عذرها .. في ترك واجبها

راح الحسب والنسب في جمع الاموالي

 

المال يحيي ... رجالاً لاحيـاة ابهـا

كا السيل يحيي الهشيم الدمدم البالي

 

عز الفتى راس ماله من مكاسبها

يامرتضي الهون .. لا عز ولا مالي

بديوي الوقداني

 

******

لعلني دايم ... على ما يضنون

اهل الوفاء واهل الوجيه السفيرة

 

لو انهم عن الخفايا ما يدرون

يدري بي اللى عالم بالسريره

(على الريـض)

 

******

أفتك ما العيات بأنصاف مالك

و إن عيوا العيات بالمال كله

 

خويك الطيب ليا ضقت يرضيك

والا الردي لا ضقت قفى وخلاك

-

******

 

الأجـواد ون قاربتهـم ماتملهـم

والانذال ون قاربتهم عفت مابهـا

 

الاجواد ون قالوا حديث وفوا بـه

والانذال منطوق الحكايا كذابهـا

 

الاجواد مثل العد من ورده أرتوى

والأنذال لاتسقي ولاينسقـا بهـا

(محمـد المهـادي القحطـانـي)

 

******

العَشرة اللي ماتوثق علـى سـاس

تطيح لو صارت ... حصون طويلـه

 

صبرت صبراً صابني منه وسواس

صبراً له النفـس العزيـزة ذليلـه

 

من يتبع المقفي مـرده للافـلاس

مثل الذي بالقيض يدفـق صميلـه

(عبدالله اللويحان)

 

******

الطيب ما نستكثره من هل الطيب

اللي لهم في سابق الطيب خبره

 

أوسع عليهم فيه من روضة اشعيب

واضيق على الأنذال من ثقب الإبره

(حامد بن مايقه الحبابي)

 

******

شكواك للى ما يثمن كلامك

دمعة يتيمٍ من عيونه ذرفها

 

وإذا أحترمت الناس زاد أحترامك

والناس عز إنفوسها من شرفها

(جزاء بن صالح الحربي)

 

******

 

لو كل من قال المثايل عسفها .

ماصار نقص بالمعالي ولا زود

 

البندق العوجا تجنب هدفهـــــا

لا صار منظرها عن القطر مصدود

مرشد البذال

 

******

الاحسان يابن عبيد يجزى بالاحسان

والشر ... تنظحه الوجيه الشريــره

 

ما قل دل وزبدة الهرج .. نيشــان

والهرج يكفي صامله عن... كثيره

راكان بن حثلين

 

******

يرزقني الي يرزق الحيّه بجحرها

لاخايلت برقاً ولا هيب حايلــــه

 

ترى رزق غيري ياملا ما ينولني

ورزقي يجي لو كل حياً يحايله

حجرف الذويبي

 

******

ارجي ثلاثاً فيك من دون منه

الدين الاول والكرم والشجاعه

 

والرجل لا من الثلاث افختنــه

لا ينبغى زوله ولا به طماعــه

سعد بن هتيل