وين المحبه وين من يحفظ الود

 

هذه ابيات جادة بها قريحتي فيمن يحفظون الود وايام الشباب لها حقها من القصيد وهذه الفتره لها ذكرياتها وايامها وهذا حال الناس في كل زمان و مكان وماتسمع الشيبان اذا دار بينهم سالفه وقال وش رايك يابوفلان في هذه السالفه قال يارجال هذي كانت ايام الشباب .

***

***

يـاداعــج ... الأعيـان يابـهـي الخـد

قلـبي معك فالحب مغرم ...شقاوي

 

سحرتني .. بالعين والردف . والقد

زين العذارى جنبكم وش . يساوي

 

محبتك ... ياصـاحبي .. مـالها حـد

لجلك نسيت إسمي وسرت الخلاوي

 

ما فالهوى مزحات وأنا أحكي الجد

جـرح الهوى ... يازين ماله مداوي

 

أرفق بحال القلب لا تكثر .. الصد

خفف من الهجران إذا كنت ناوي

 

انـا على ذكـراك وجـدد ... العهـد

قفلت باب اهل الحسد والحكاوي

 

لوعة ... غرامك كل ..يوما تجدد

مافادها طب العرب ... والتداوي

 

وين المحبه .. وين من يحفظ الود

وين الذي يـوصل بدون .. الرجاوي

 

لابــد مـن لـقياك ... يازين لابد

حتى ... ولو خيبت كل الهقاوي

 

يمكن ... مع الايام يوصلني الـرد

ويحصل لهذا القلب بعـض المناوي

ـــــــــــــــــــــــــــــــــــــ

القصيدة صوتيا