أيام راحت بالعمر مثـل الأحـلام
- مما أعجبتني ( نبطي عرضه قلطه)
- 30/5/2014
- 2099
الشاعر مطلق الثبيتي العتيبي (( رحمة الله عليه)) من شعراء المملكه العربية السعوديه المشهورين والمعروفين وكانت له محاورات ومساجلات شعريه مع العديد من الشعراء الكبار .. في هذه القصيده حقيقه (في كل بيت حكمه). وكما تلاحظون في التعليقات تعقيب من ابو خالد اشار الى ان القصيده للشاعر خالد مرزوق الدلوم . اتمنى من عنده اضافه ان يقدمها لنا مشكورا .
***
***
نطوي مع الأيام عـام ٍ ورا عـام
وتمر ساعات الفـرح فـي دقايـق
أيام راحت بالعمر مثـل الأحـلام
يوم ٍ بهـا زعـلان وأيـام رايـق
درست من دنياي وأتعبت الأقـدام
وبدلت عن بعض الطرايق طرايـق
وكفخت بأفكاري كما الطير لاحام
وماعاقني عن ماكـر العـز عايـق
ياصاحبي خذني معك سيف وحزام
وياك في وقت الرخـا والظوايـق
وترى البشر ياخوك منقسمه أقسام
بين الردى والطيب شفت الحقايـق
لقيت من صلى وزكا ومن صـام
ولقيت منهو لأقرب النـاس بايـق
ولقيت من قلبه حقـود ٍ ونمـام
ولقيت من قلبـه يعـز الرفايـق
ولقيت من يبني الأمل فوق الأوهام
واللي يموت ولايعـرف العوايـق
ولقيت من يملك بساتيـن وأنعـام
واللي من الحاجه ينـام متضايـق
الله خلق هالخلق سـاده وخـدام
ذي دبـرة الرحمـن رب الخلايـق
وآخرك يابن آدم ترى قطعة الخـام
أمـر ٍ أكيـد ومايبيلـه وثايـق
يالله عسى ماكون قطاع الأرحـام
وعساي من عقب القبر في حدايـق
جاك الكلام وخذ معه بصمة إبهـام
أن العمـر كلـه مجـرد دقايق
عدد المقيّمين 0 وإجمالي التقييمات 0
التعليقات على المقالة 1
ابوخالد7/7/2019