من أجمل ماقال رشيد الزلامي

 

الشاعر رشيد الزلامي يعتبر من الشعراء المشهورين والمعروفين على مستوى المملكه والخليج العربي والحقيقه هوشاعر كبير وشاعر متمكن وله جمهوره الكبير ايضا.

ومن أجمل ماقال رشيد الزلامي :

***

يا متعب الأقدام ماشي على وين

مـع جـرّة جاهـا العجـاج ودفنهـا

 

إرجع وعـدّ خطـاك وحـده وثنتيـن

وإكبح جماح النفس وإلزم رسنهـا

 

لاتامن الدنيا تـرى وضعهـا شيـن

ماعـاد بـه دنـيـا صحـيـح بدنـهـا

 

لاصاروا العقّـال مثـل المجانيـن

وأصبح ردي العرف يامر وينهـى

 

انـا مجـرّب والتجـارب براهـيـن

أراهـن الأيـام وأكـسـب رهنـهـا

 

منها عرفت الفرق بيـن الفريقيـن

سبحان من صاغ العقول ووزنهـا

 

وان كان صح ان التجارب براهين

ضمنتهـا لـن كـان ربـي ضمنـهـا

 

رفقة ردي المعرفـة بعتهـا ديـن

علـى زبـونٍ ضمّـهـا واحتضنـهـا

 

بغى يجيني بالثمـن قلـت بعديـن

امسك فلوسك لين ننشـدك عنهـا

 

مابعتك الاّ سلعةٍ يا احمـر العيـن

ابيعـهـا وابـيــع حـتــى ثمـنـهـا

 

والله مبي فيها الثمن لو قرشيـن

بـس المهـم انـي تخلصـت منهـا