عبدالله بن شطحان وطربوش الذبياني وخلف بن عطيه

 

في لليله كان هناك جلسه وكانت في مدينة الرياض حيث حضر الشاعر الكبير عبدالله بن شطحان المالكي والشاعر المعروف طربوش بن عواض الذبياني وكنت انا موجود في تلك الجلسه ودرات هذه المحاوره.

***

البدع// خلف بن عطيه المالكي

***

خلف يقل كيف اداري علتي والشر الشر

مادام طربوش يعرف علتي يارب اشهد

يسقيني المر بالساعات والحلو مرات

والليله عبدالله يصرف فالدواء من صحيه

***

الرد // طربوش بن عواض الذبياني

***

معي ولد سار في درب الفتن والشر الشر

خلك على الهون ياراع الفتن والربش هد

انا نويته ..في الدنيا ... مياتاً ومرات

ياكم نصحته وباء لا يقبل المنصحيه

***

البدع// عبدالله بن شطحان

***

سلطان رتب على الديره مدافع وعسكر

في كل ديره ميت صاروخ تحمي على الحد

وان كان كذبتني طالع جهاز الإدارات

وطايرتاً لخط النار ... شدى قويه

***

الرد // طربوش بن عواض الذبياني

***

معي وليدا نشيط بمجلسي لانعس كر

ولا نشدته يقلي في يدي صافي الحد

ليته تجنب عن الفكر .. واهل الإدرات

اللي تخلي قلوب اهل الخطاء شي قويه

***

البدع// خلف بن عطيه المالكي

***

يعقوب يوم شاف ولده سالماً ياذه ابصر

لجل ان قلبه صبور او خاطره مايحسد

يذكر صلاته وربه في صباحه وإلى بات

هذاك ربي عصم .. قلبه وصداق نيه

***

الرد // طربوش بن عواض الذبياني

***

انا لقيتك مع اهل الفايده ياذهب صر

لك حارسا لابناء جدرك وقف مايح السد

والنخل مصيون من دونه رجالا ولابات

مالت غروسه على الفلجان صداق نيه

***

البدع// عبدالله بن شطحان

***

الليله ياقلب بن شطحان شدى تميزر

يالله لك الحمد مافي القلب خله وراعد

احسب حساب الشهر واحصي النجوم المهلات

والبحر ماينقصه دالي ولا من ضحيه

***

الرد// عبدالله بن شطحان

***

اهل الوفاء عندهم فالريع شدات ميزر

يامن لقيفا كما نوا تقافى ورا عد

وله بروقا على صف العشاير مهلات

إلا تـنازوا رجاجيل الظفر من ضحيه

***

البدع // طربوش بن عواض الذبياني

***

عبدالله اليوم ... مابيني وبينك مخابر

والعلم واضح ولا يحتاج دعوى وشاهد

احذر وحافظ يجي لك من لسانك حفيات

ليتــك تكب الحسد والكبر والزم زميه

***

الرد // طربوش بن عواض الذبياني

***

على جهاز العرب توي سمعت المخابر

وخبار لندن في الرادي تسر المشاهد

اخاف تمشي في الدينا رجولك حفيات

وتصير فالباديه .... متعلق الزمزميه

***

البدع// عبدالله بن شطحان

***

يارب تخلف على الكيف والبن معمر

واللي يحب العلوم الطيبه ماينقد

ان كان عندك سوالف طيبه يابني هات

والضيف يلقى تراحيبا وبوب .. اكرميه

***

الرد// عبدالله بن شطحان

***

تيهت وحسبتني وارد على بن معمر

على تراحيب تشبه للجناها منقد

ولاش يتلي زفيره كل يوما بنيهات

حلفت لاهب على دارك وبوبك رميه

***

البدع// خلف بن عطيه المالكي

***

خلف يقل لي صديقا غاب عني ولامر

والليله ودي نقرر .. مدنا وصطغى مد

وإلا وشي نارفي قلبي تولع وشيات

وقادمي عن مواط الشوك دائم وقيه

***

الرد// خلف بن عطيه المالكي

***

ياصاحبي ما نويت ... ابدي علوم ولا آمر

تيهت وحسبتني يا ذالليل في وصط غامد

أعلام راحت عن الخاطر وقفت وشي آت

يامن شريت الذهب معروف سعر الوقيه