عطيه بن عقدان وخلف بن عطيه . يشهد الله والقبائل على تاريخنا
- قصائدي المحاورات والمجالسي
- 20/11/2013
- 1997
هذه المحاوره جمعتني مع الشاعر المعروف والقدير عطيه بن عقدان المالكي ابو ريان وكانت في منتديات بني مالك محافظة الطائف سابقا ايام كان المنتديات لها صوله وجوله وكما هو معروف ان الاخ عطيه من الشعراء المعروفين وله العديد من الامسيات والمحاورات وبصراحه شاعر مبدع .
***
***
البدع //عطيه بن عقدان
***
ذكر الله مبتدا كل علم و فالصدور
والصلاة على محمد شفيع المسلمين
كلنا في وجه رباً تعلاً في سماه
بعدها مني سلامي على وجه القبيله
منتدى يحمي شرفنا وشيمة روسنا
***
الرد //خلف بن عطيه
***
ياعطيه حشمة الضيف تبقى فالصدور
نحمد الله في دروب الجمايل مسلمين
وبني مالك كما البحر ماينقاس ماه
كل ضيفاً نكرمه في صدوره والقبيله
والعدو نسقيه ياصاحبي مر وسنا
***
البدع //عطيه بن عقدان
***
ابشر ابشر والجمايل تجي حسب الحضور
ماحسبنا اهل الدسايس وكيد اللايمين
ان حضرت ابشر واذا غبت عذري فيرضاه
قالها اللي لابد... ا القول مايلاّث قيله
انتقي ماطاب لي ... وآتنزّه عن دنا
***
الرد //خلف بن عطيه
***
عزوتي يبدون يوم الملاقى والحضور
وانت تعرف مايعين الشمال الا يمين
قدم قيفا ياعطيه مشينا في رضاه
وانت من هم العرب ماحملة الا ثقيله
وش معك هذا السنه ماتنزه عندنا
***
البدع //عطيه بن عقدان
***
كان عندي صاحب اعتز به لو جا قصور
احسب انه عند وعده ولي منشا متين
ابتعد عني وعوّد يسيّر في هواه
اثر هذا الوقت ماتنومن لمّات جيله
ماعرفنا ... من كرهنا ولا من حبنا
***
الرد //خلف بن عطيه
***
ياعطيه ... لو بنينا الدوائر والقصور
وان خسرنا عِلّمنا كم لنا من شامتين
رحت للطايف وقلنا نصيف في هواه
لكن كيال ... الصُبر ماوفاء لما تجيله
لاعبر من ... حب غامد ولا من حبنا
***
البدع //عطيه بن عقدان
***
لانكسر ساق الجمل ماتداويه الجبور
نحمد لله للحكم والمثايل مالكين
انت شوف البحر ياصاحبي ولجدح ماه
وآنا اراقب مغرب الشمس بعيوني واخيله
ليت عيني ... طول الايام ماتاري خنا
***
الرد //خلف بن عطيه
***
المعابر عندنا ... بالمفرق والجبور
ياعطيه عزوتي من عناصي مالكين
حدنا مرسوم ياصاحبي والجد حماه
ولدنا يحمي الطوارف بمقلوته وخيله
يشهد الله والقبائل .. على تاريخنا
***
البدع //عطيه بن عقدان
***
ماتطيح القلعه الي عليها منع صور
ياحليل اللي بيبني على توليف طين
وش تقل في من بنا جدر عايب وش تراه
وانت اذا قررت تبني القصور الي مهيله
خذ معلّم يحكم الجدر ويسايس بنا
***
الرد //خلف بن عطيه
***
ياعطيه مدحنا ماتغبى من عصور
مدحنا ماينكره راعي العقل الفطين
ولدنا فالريع فاد المنيمس وشتراه
والمدايح غيرنا لو يطالبها مهي له
والسياسي يسمع القول وي سايس بنا
***
البدع //عطيه بن عقدان
***
صافي الما يختلف لو يخالط ماي بور
وآنا مابشرب ولا بورد الا ماي عين
اترك اللي طول عمره ربى عالمنقضاه
ينقض اقواله وهو ماحسب عبره وكيله
هذا ماينفع ولاتشبك اسمه واسمنا
***
الرد //خلف بن عطيه
***
كل جيد ... لا دعيته يجيبك ما يبور
والردي لا جت ليال الشدايد ما يعين
والذي نشمي ليا جيت في علما قضاه
ياعطيه راعي المخطيه ربي وكيله
العرب من سابق الهجر تعرف وسمنا
***
البدع //عطيه بن عقدان
***
شد حيلك ياخلف لاتلف ولا تدور
انت تعرف صاحبك بين كل الغايبين
شف لنا مده .. ولاشفت مامور القناه
والقمر حول الفضا وش معه ماجا رسيله
انطفت شاشاتنا ... وانحرمنا بثنا
***
الرد //خلف بن عطيه
***
المهالي منتهي وقتها جاوزت دور
كل جيد نعرفه وان حضر يالغايبين
والعصاه من العتم ما تعادلها القناه
بارق الوسميه ويلا تهامه جار سيله
ياعطيه كل نشمي ... مدوحه بثنا
عدد المقيّمين 0 وإجمالي التقييمات 0
