الشاعر الشبح والشاعره فتاة الجنوب
- مما أعجبتني ( نبطي عرضه قلطه)
- 18/11/2013
- 2081
في منتديات بني مالك محافظة الطائف سابقا كانت هناك شاعره تدعى فتاة الجنوب وشاهد الشاعر الشبح لها اكثر من قصيده ومحاوره وحب استفزازها وتحاور معها وكانت الحصيله المحاوره هذه وكانت على شكل قلطه .
***
***
الـبـدع // مـن الشاعر الـشـبح
***
مالك ومال الـقصايد يا فتاة الجنوب
مالك مـواقف وجلسه في صفوف الرجال
مكانك البيت والـمـطبخ وهذا وجوب
حطي مكاييج في خدك وعينك كحال
***
الرد // من فـتاة الجـنوب
***
جايي تحدى وانا خابرك دايم هـروب
شفناك فـي ساحة الشعار مالك مجال
بالله قلي ليا جتك الصبا والهبوب
تـطيح مـن شرقـها والا تميّل شمال
***
الـبـدع // مـن الشاعر الــشـبـح
***
يابنت مثلك على الموقد تولع شبـوب
وتحضرين الحطب وترضعين العيـال
وتزينين العشاء لا حان وقت الغروب
واذا اصبح الصبح قمتي ترقبين الحلال
***
الرد // من فـتاة الجـنوب
***
صحيح اشب الحطب واطبخ وطحن الحبوب
وارضي هلي واكرم اضيوفي وفينـي دلال
والا انت لو ذقت وجعات الزمـن ماتنـوب
حالتك حاله وفـي راسـك شويـة خبـال
***
الـبـدع // مـن الشاعر الــشـبـح
***
الصدر واسع ترينه مثل صحراء الجبوب
يابنت ما نشرب إلا كـل مـاء(ن) زلال
كنا من اول مع ذيك الرعايـا عـزوب
ياما قنصنا فلول الصيد روس الجبـال
***
الرد // من فـتاة الجـنوب
***
يوم انت راعي غنم روّح حلالك نهوب
اقفا بها الذئب وانته نائمـاً فالظـلال
ربعك من الحرب عافينك نهار الحروب
ماتستوي (ع)الخيول ولانت قد الجمال
***
الـبدع // من الشاعر الشبح
***
يابنت ناخذ ونعطي عارفين الـدروب
وصول راس الجبل يابنت صعب المنال
تمهلي واركدي والدرب قبلك نشـوب
مواسم الصيد نعرفها ولا شي محـال
***
الرد // من فـتاة الجـنوب
***
مواسم الصيد مايجرى عليها الهيوب
والي مخصّر جنوبه فالثياب الطـوال
ماضيك كلاً يعرفه مايسـر القلـوب
لك قصة(ن) فالمجالس كل ساعة تقال
***
الـبـدع // مـن الشاعر الــشـبـح
***
الخيل دوب استوت في مشيها والركوب
يمشي بها فارس الديره كريم السبـال
يابنت مانندرق عن كل ماقف وصـوب
والعولمه ضيعت مثلك على كـل حـال
***
الرد // من فـتاة الجـنوب
***
حنابنات اصل ماتمشي دروب(ن)تعوب
متحشمات(ن)ويسترنا عبايـه وشـال
ياصاحب الخيل والقفز الجري والوثوب
روّعت الاتراك في تيك الرباء والتـلال
***
الـبـدع // مـن الشاعر الــشـبـح
***
انا اعرف ان الشقاوي ننصحه مايتوب
يابنت ضاعت عليكنه كثير الخصـال
انتي وجيلك عليكنـه كبـار العيـوب
رحنه بنات المراجل والحمول الثقـال
***
الرد // من فـتاة الجـنوب
***
الشرف والكرامة والحسب والنسوب
محميّه امـن اليديـن العابثـة ماتطـال
وبنتكم من فعلها كـل راس(ن)يشـوب
زفافهـا مايقـام الافــي ا لبرتـقـال
***
الـبـدع // مـن الشاعر الــشـبـح
***
تبغين درب الحضاره ونفتاح الشعوب
خرجه ودرجه وفوق النت مابه سوال
القلب من غيرته ملتاع بين الجنـوب
باموت مالغيظ والحسره وانا بو طلال
***
الرد // من فـتاة الجـنوب
***
ياخوي باخذ مكاني طيب والا غصوب
سيب الحمق والرعونه واترك الانفعال
واد البنات انتهى وقته معا بو لهوب
والسيطره وامتلاك الحـر والاحتـلال
***
الـبـدع // مـن الشاعر الــشـبـح
***
ماتعرفين المحاله والرشى والغروب
ولا رعيتي غنم يابنت وقت الزوال
تقلين متعلمه والعلم كله حسـوب
شهادتك علقيها فوق راسك خيـال
***
الرد // من فـتاة الجـنوب
***
العلم يسمؤ ولاكن الجهل في رسوب
العلم نور القلوب الي طمسها الظلال
نخدم وطنا ونصبر (ع)التعب واللغوب
في خدمة المجتمع نسهر ليالي طوال
***
الـبـدع // مـن الشاعر الــشـبـح
***
العلم في صوب وانتي يابنيـه بصـوب
اخاف من يوم تشرين الغتـر والعقـال
بالوعظ والنصح كم قالوا رجال الخطوب
عاداتنا سار فيهـا هـزة(ن) وإختـلال
***
الرد // من فـتاة الجـنوب
***
رمزك نشوفه في الشاشه قطيوه لعوب
على صياعتك هذا الصورة اكبر مثال
في اخر الليل في كل المقاهي تجـوب
تجالس الجنس الاخر شلّة الانحـلال
***
الـبـدع // مـن الشاعر الــشـبـح
***
البنت في مامضى في كل صحراء تحـوب
تستقبل الضيف وتقهوي وتذبـح خيـال
بنت ارفعت راس ابوها فوق عال السحوب
تحلب وتصرب وللناقـه تحـط الشمـال
***
الرد // من فـتاة الجـنوب
***
تغار من بنتنـا والا زمانـك عصـوب ؟
والا ظلامك تلاشـى فـي وجـود الهـلال
والا ذهب حلمك الماضي وكـل الرغـوب
والا حصل لك من اضروف الحياة اعتلال ؟
***
الـبـدع // مـن الشاعر الــشـبـح
***
ياناثرات الشعر يالابسات الكعوب
مهما شرحنا وقلنا مايفيد الجدال
يابنت خافي من الله لا تزيد الذنوب
من ضيع الدين والاخلاق ماله قبال
***
الرد // من فـتاة الجـنوب
***
لا يوجد الرد من فتاة الجنوب
عدد المقيّمين 0 وإجمالي التقييمات 0
