البيعه أعرف مصادرها وراس أهلهـا

 

كانت هذه المحاوره السريعه مع الشاعر عطيه بن عقدان وكانت تدور حول موضوع معين ناقشنا فيه الشاعر عطيه بن عقدان.

***

الـبـدع // خـلـف بن عطيه المالكي

****

يـاصـاحبي ياعطيه ذقت حالـي ومـر

رمـاني الوقت والأصحاب والبخت بـار

وكـل جيد حسبته صاحبـاً وبـن عـم

وثره حسودي وثار الضحك من هلج بال

والبيعه أعرف مصادرها وراس أهلهـا

****

الـرد// عـطـيـه بن عقدان المالكي

****

اهليـن ياشاعـراً سيّـر علينـا ومـر

مـعادن الناس نعرف شكلهـا باختبـار

بنخـص باقاوالنـا ياصاحبـي وبنعـم

افـعال بعض العرب تهتز منها الجبـال

تعباتهم دوب بانـت مـن ورا سهلهـا

****

الـبـدع // خـلـف بن عطيه المالكي

****

يـاصـاحبي نعرف العادات ونحن بشر

نـاخـذ ونـعـطي وكلاً له دروباً ودار

وكـل واحـد ولـه قـاله تشرف وسم

والـنـاس تدري وماتغبى علوم الرجال

وكـل ديـره عـرفنا اصحابها و صلها

****

الـرد// عـطـيـه بن عقدان المالكي

****

لاسـامـح الله عدواً ناويـاً لـك بشـر

والله يـشل ايد من خطط وفكّـر وادار

لاتـامن الي بغى يسقيك علقـم وسـم

وثـبّـت الحاليه في جال والمـر جـال

شب القبس فوق راس المعتدي واصلها

****

الـبـدع // خـلـف بن عطيه المالكي

****

الـوقـت يمضي وباقي تعبتاُ فالصـدر

مـاهـمني من رمى رميه بوضح النهار

لـكـن من كان يرمينـي بليـلا ظلـم

والـعـيب في صاحباً تقطع يمينه شمال

وكـل مـاشف له غفله تراقـص لهـا

****

الـرد// عـطـيـه بن عقدان المالكي

****

الـوقـت غدّار في ورّادتـه والصـدر

مـايـنفع الصوت بعد الفوت والا النهار

لـكـن ربك على الظالـم بعـد ماظلـم

لاغـاب عنك الصديق وبعده الآش مال

خـنـاجر الغدر في جنبك ترى قصلهـا

****

الـبـدع // خـلـف بن عطيه المالكي

****

الله عـلى أيام فاتت يوم كيـل الصبـر

أيـام سوًق السواني فوق ذيـك البيـار

بـيار كانت عدوداً صافيـه منهـا جـم

وجـدادنا مصدر القالات واهل إكتمـال

يـاذ الحسودي بعينك ما تـرى كملهـا

****

الـرد// عـطـيـه بن عقدان المالكي

****

اصبر على المشكله وان زاد حد الصبر

عـلى القلوب المريضه والعقول البيـار

الله يرد البلا والشر علـى مـن هجـم

انـك تـحمّلت جور الوقت واهلكت مال

الـفـايـده ياولـد عمـي تراكم لهـا

****

الـبـدع // خـلـف بن عطيه المالكي

****

انا ترى منزلـي فالشـرق دار الخبـر

كل المدن نالهـا التعليـم ولهـا مطـار

والـيـوم تجارنا لمـوا لـك الماس لم

مـادام كلا خسر فالبنك مـن راس مال

قـلـوب تـبغـي خسايرنا وراقـت لها

****

الـرد// عـطـيـه بن عقدان المالكي

****

كم كلمةً جارحـه معهـا يـدار الخبـر

مثل الرصاصه تخل الجسم ولها مطـار

حتى حسين الصفه مـن شرهـا ماسلم

راس تنصّب مع ذا الوقت واي راس مال

من يبعث الـروح غيـر الله ورا قتلهـا