تـسـلـم وجتني علومك واستلم للجواب

 

ــــــــــــــــــــــــــــــــــــــــــــ

تـسـلـم وجتني علومك واستلم للجواب

يـاراعـي الـطـايله يامن عرفت السلوم

 

إلـى حـضـركـل جـيـد ينفتح كل باب

مـع الـمـطاليق ما نحسب لساعه ويوم

 

بـعـض الرجاجيل توصل هامته للسحاب

وتـطـول وتـطـول حتى تلتحم بالنجوم

 

وبـعـض الـرجـاجل للعالم سجل وكتاب

فـيـه الـحـكم والمعارف فيه كل العلوم

 

وبعض الرجاجيل مثل السيف يطوي الرقاب

مـن هيبته في وجوه الناس تبصر وسوم

 

وبـعض الرجاجيل مثل النمر صاد الذياب

يـأخـذ حـقوقه ولوتأصل لفرك الخشوم

 

بـعض الرجاجيل مثل الشمس ماله غياب

يـتـغـيـر الحال اذاغطت عليها الغيوم

 

والـبـعض مثل البحر فيه الكنوز العجاب

فيه العجب والسفن من فوق سطحه تحوم

 

والـبعض مثل الجبل ما حال دونه حجاب

مـاغـيـبـتـه الـليالي والرواسي تقوم

 

إن شاء الله انك جمعت اوصافهم باحتساب

مـلـكـتـهـا يـاعريب الجد شدالعزوم

 

ونـعـم بـماجد وربعه في نهار الصعاب

قـومـا اذا حـل طـاريـهم تزال الهموم

 

ونـحـن نعين الصديق وكل صوتا يجاب

أبـشـر بـنـا يـانسبي في نهار اللزوم

 

وفـي الـختام اشكر الخالق شديد العقاب

عـلـى جـزيل النعم والخير ستره يدوم

ــــــــــــــــــــــــــــــــــــــ

القصيده صوتيا