يـازيـن دار الـزمن في حبنا دوره
- قصائدي الشعر الشعبي والنبطي
- 23/9/2013
- 2032
ــــــــــــــــــــــــــــــــــــــــ
يـازيـن دار الـزمن في حبنا دوره
وغـابـت الشمس عنا بعد الإشراقي
أمـشي وكابر وقول النفس مسروره
وأنـا تـلـظـى بلوعة نار الإفراقي
مـاغيرك أنته تراك الأصل والصوره
هـذي حـقيقه بعبر لك عن أشواقي
الـروح فـي حـبكم يازين ماموره
وتـعـلـن أشواقها في حبك الراقي
مادام شوفتك يالمجمول محظوره
بُعدك عـذابي ويحرق قلبي إحراقي
أصّـبروقلبي ترى ما راح عن طوره
ونـار الأشـواق يتلوع بها الشاقي
ترى المشاعر بوسط القلب محصوره
والـصـبر ينفذ وأنا أتحلى بالأخلاقي
إذا فـقـدنا الأمل فالنفس معـذوره
إذا فـقـدنـا الأمل فالحب وش باقي
يـامـا قلوباً من أجل الحب مقهوره
كَـتَـب عـليها القدر بفراق وتلاقي
الـوقـت يـمضي وكلً ينتظر دوره
والعلم عند الله اللي محصي الارزاقي
ــــــــــــــــــــــــــــــــ
القصيدة صوتيا
عدد المقيّمين 0 وإجمالي التقييمات 0
