خـل الزمن يحتفي باعظم سلاطينه

 

ــــــــــــــــــــــــــــــــــــ

سـلام يـالـحـاكم الي رافعاً يده

بـالحق والعدل ما يبخص موازينه

 

يـأخذ ويعطي ولا هو يعرف الصده

إلـيـا نطق كلمته ما ينطق الشينه

 

فـي قـولة الحق سيفاً ساطياً حده

إلـيا نصيته بداء ما غمضت عينه

 

مـثل الجبل هامته ما حد وصل قده

شيهان باعلا السماء باسط جناحينه

 

وافـي لـيـا ثار يوم الند من نده

يأخذ حقوقه غصب يفرض قوانينه

 

صـقر العروبه نهار الضيق والرده

مـن ينتخي فيه ما ضاعت هقاوينه

 

يـمـد يـده لـحبل الخير ويشده

الـحـق والعدل تاج إطباعه الزينه

 

مـايـرغب البخل دائم واقفاً ضده

كـريـم لجل الكرامه باسط إيدينه

 

مـايـمنع الخير دام الأمر في يده

وعـد ويـسر لدرب الخير تامينه

 

ماخذ طباع الكرم (م) الأب عن جده

سـلالة المجد واضح من عناوينه

 

يـالـيـت ربي يطيل العمر ويمده

ويعيش أبومتعب أجمل عمر وسنينه

 

حاكم من أعدل ملوك الأرض بنعده

مـهـمـا مـدحناه ما حنا موفينه

 

أعـظم ملوك الزمن كلا خطب وده

خـل الزمن يحتفي باعظم سلاطينه