مساجله بيني وبين الشاعر الوافي (أبّعد عن المترديه والنطيحه)

 

الشاعر الوافي دارت بيني وبينه هذه المساجله حبيت ان انقلها لكم .. نتمنى ان تنال على رضاكم واستحسانكم .. وهي على شكل ثنائيات يعني كل بيتين لها قافيه مستقله ..

***

البدع // الشاعر الوافي

***

سلام تسليمه ومعها مساءالخير

مرسالها نبض الشعور الصريحه

 

بالعود والكمبود عطر المناعير

لأهل الوجيه الطيّبه والفليحه

***

الرد // خلف بن عطيه

***

ياصاحبي بهديك حباً ... وتقدير

واعطيك من بعد الهديه نصيحه

 

خلك مع الي يوضع السر فالبير

وأبّعد ..عن المترديه والنطيحه

***

البدع // الشاعر الوافي

***

يـا صبآح الخيـر يا يوم الخميـس

بـسـألـك الـيـوم وش جايـب معـك ؟

 

فــي صبـاحك مـافقـدت الا ونيس

وصِّــل اشـواقــي .. لعلـه يـسمعـك

***

الرد // خلف بن عطيه

***

البحر هو بحر اذا تبغى الغطيس

إنتبه ... للموج وحذر... يخدعك

 

إن نزلت البحر فالواجب تقيس

قبل ما تتعب وموجه .. يدفعك

***

البدع // الشاعر الوافي

***

اتعب على اللي خوته شأنها شأن

في الضيق محزم مـا تراعد يمينه

 

وخلك حزامه لا غشا الجـو دخان

مـن لا يعين النـاس محدن يعينه

***

الرد // خلف بن عطيه

***

صحيح كان الطيب ياصاحبي كان

لكن ذاك الطيب .. راحت سنينه

 

في ذالزمان نشوفها أشكال والوان

ومن يجهل الأيام ... يسأل جهينه

***

البدع // الشاعر الوافي

***

وصل السلام اللي له القلب مصدار

يا مرحبا .. وبردّي ابغا الجزاله

 

سلام من قلبي .. يشعشع له انوار

يستاهله .. راع الثنا والجماله

 

ما احلا الرسايل صافية نثر واشعار

وحرف ٍ من الغالين ياحي فاله

***

الرد // خلف بن عطيه

***

يالوافي ... أدري لك محبه ومقدار

ومثلك ترى والله نرجي ...وصاله

 

في ذالزمن من عارف الناس يحتار

ويقراء المعاني من حروف الرساله

 

ترى الصداقه هي مكاسب ومخسار

ومن .. عرف مثلك رفع راس ماله